Á dögunum fengum við Fagurkerar að skreppa til Amsterdam í samstarfi við Wow air, Rammagerðina, Pennann Eymundsson og Loksins bar.
Ferðin var algert ævintýri frá upphafi til enda og sólarhringurinn nýttur til fulls.
Ferðin hófst að sjálfsögðu á Keflavíkurflugvelli en þar var nóg að skoða og njóta um leið.
Við prófuðum að innrita okkur í Wow appinu sem hægt er að ná í fyrir alla snjallsíma. Með því er hægt að innrita sig og fá brottfararspjaldið sent í tölvupósti.
Leið okkar lá í Rammagerðina til að byrja með og völdum við okkur fallegar vörur frá Feldi.
Úrvalið var nánast endalaust og til vörur fyrir herra, dömur og börnin og verðið kom skemmtilega á óvart – gæði á góðu verði.
Því næst fórum við í Pennann Eymundson og skoðuðum úrvalið þar.
Þar var hægt að finna ótrúlegt úrval bóka, tímarita og alls kyns fallegar gjafavörur.
Við völdum skemmtilegar þrautabækur og barnabækur til að gefa börnunum okkar við heimkomu en okkur fannst tilvalið að klára þær gjafir strax í upphafi ferðar. 
Tímarit koma sér ávallt vel, sérstaklega fyrir flugferðir og falleg gjafavara í jólapakkann.
Síðasti viðkomustaður fyrir flugið var Loksins Bar en hann þekkja nú margir Íslendingar.
Þar var gott að eiga gleðistund og skála fyrir komandi ferðalagi. Búnar að versla gjafirnar og á leið í fríið.
Svo var komið að því að fara inn í vél og af stað.
Flugið gekk ótrúlega vel fyrir sig og við nutum fjólubláa útsýnisins.
Þessi töfrahnappur vakti mikla lukku um borð hjá Wow.
Sagan segir að ef maður ýtir á hann kemur brosmildur flugþjónn og athugar hvað hann geti gert fyrir okkur.
Þá vorum við mættar til Amsterdam og fórum strax í að klára verslunarleiðangurinn.
Þegar fór að rökkva kíktum við út á lífið með nokkrum Íslendingum í Amsterdam en við kíktum í rauða hverfið, á einn elsta pöbb amsterdam og enduðum kvöldið á karaoke bar sem var ótrúlega skemmtilegur.
Það kom sér vel að vera með vörurnar frá Feldi þegar kvölda tók í Amsterdam enda orðið frekar kalt.
<
Fallegt í Amsterdam.
Hjólaborgin mikla!
Daginn eftir var komið að heimferð eftir æðislegan sólarhring í Amsterdam.
Stærsta flugvél flotans kom og sótti okkur en hún hefur 4 sæti í miðjunni og tvö sitt hvoru megin að auki. Dugar ekki minna fyrir okkur Fagurkera.
Fótaplássið hefði dugað fyrir hvaða risa sem er.
Við þökkum innilega fyrir þessa ævintýraferð, við skemmtum okkur konunglega og nutum í botn.
FAGURKERAR
